Միացիր մեզ՝ որպես կացարանատեր

 

Ունես ցանկապատված բա՞կ: Խնամիր շներին քո բակում և ստացիր կայուն ամսական եկամուտ:

​

Մեզ անհրաժեշտ են կենդանասեր մարդիկ, ովքեր ունեն անասնագոմեր, ցանկապատված բակ/տարածք և ցանկություն՝ լրացուցիչ գումար վաստակելու։ Աշխատանքի բնույթը շներին խնամելն է։

 

Հիմնական պահանջներն են՝

​

1. Շների հետ աշխատելու փորձ (սեփական շուն ունենալը կդիտարկվի որպես առավելություն)։

2. Շինության առկայություն՝ շների համար (առնվազն մասամբ ջերմամեկուսացված)։

3. Բաց տարածություն շների զբոսանքի համար, որտեղից նրանք փախչելու հնարավորություն չեն ունենա։

4. Սանիտարահիգիենիկ բավարար պայմաններ, մշտական մաքրության պահպանում։

5. Շներին անհրաժեշտ է կերակրել օրական 2 անգամ, լողացնել ամիսը 1 անգամ, սանրել շաբաթը 1 անգամ։

6. Շները թե՛ դրսում, թե՛ ներսում ժամանակ անցկացնելու հնարավորություն պետք է ունենան։

7. Շների կերը, խնամքի պարագաները և դեղորայքը կտրամադրվի մեր կողմից։

8. Արգելվում է շներին պահել վանդակներում, կապված կամ ստվերից զուրկ տարածքներում:

9. Մենք իրականացնում ենք նախապես պայմանավորված ինչպես նաև՝ չհայտարարված ստուգումներ։
    

Մեզ հետ համագործակցելու առավելությունները՝

​

1. Կացարանատերն առանց իր հիմնական աշխատանքից կտրվելու կարող է վաստակել կայուն գումար՝ ամսական մինչև 120.000 դրամ ամեն մի ցանկապատված կացարանի համար (մեկ կացարանատեր կարող է ունենալ բազմաթիվ հարակից կացարաններ)՝ հետևյալ սխեմայով՝ 6.000 դրամ յուրաքանչյուր շան համար։

2. Որդեգրման դեպքում տրվում են հավելյալ պարգևավճարներ։ Եթե կացարանատերը կարողանա որդեգրման հանձնել շանը, ապա յուրաքանչյուր որդեգրված շան համար կստանա 15.000 դրամ։ Դուք պահեք շանը առողջ և լավ վիճակում, մենք կկատարենք որդեգրման համար անհրաժեշտ մարքեթինգային աշխատանքները, ընդհուպ մինչև արտասահման ուղարկելու տարբերակով:

3. Ազնիվ և բարեխիղճ կացարանատերերի հետ համագործակցությունը կկրի երկարատև բնույթ՝ ֆիքսված աշխատավարձով։

4. Կացարանատերերի համար կկազմակերպվեն կենդանիների հետ վարվելաձևի և նրանց հոգեբանությունը հասկանալուն ուղղված անվճար դասընթացներ։

​